ٹوبہ ٹیک سنگھ (رانا خالد محمود) ڈسٹرکٹ پولیس آفیسر ٹوبہ ٹیک سنگھ رانا عمر فاروق نے گوجرہ شہر اور گردو نواح میں نوجوانوں میں ناجائز اسلحہ رکھنے کے بڑھتے ہوئے رجحان کے تدارک اور سوشل میڈیا پر ناجائز اسلحہ کی نمائش کرنے والوں کے خلاف سخت نوٹس لیتے ہوئے سی آئی اے ٹوبہ کو ایسے ملزمان کو ٹریس کر کے گرفتار کرنے کا ٹاسک دے دیا
جس پر انچارج سی آئی اے ٹوبہ عبد الغفار ایس آئی معہ ابتسام الحق ایس آئی و ملازمان پولیس نے کاروائی کرتے ہوئے 5 ملزمان مظہر حسین ولد ارشد علی سکنہ311 ج ب، زوہیب سعید ولد محمد سعید سکنہ300 ج ب، محمد اشفاق ولد محمد اسلم سکنہ297 ج ب، جنید سلطان ولد سلطان محمود سکنہ297 ج ب اور نوید عباس ولد محمد سلیم سکنہ 394 ج ب کو گرفتار کیا جن سے1عدد کلاشنکوف معہ گولیاں، ایک عدد رائفل 222 بور معہ گولیاں، 2 عدد رائفل 7MM معہ گولیاں اور ایک عدد رائفل 244 بوربور معہ گولیاں برآمد ہوئیں جس پر ملزمان کے خلاف الگ الگ مقدمات درج کر کے ضابطہ کی کاروائی عمل میں لائی گئی ہے
ڈسٹرکٹ پولیس آفیسر ٹوبہ ٹیک سنگھ نے کاروائی کرنے والی پولیس ٹیم کو شاباش دی ہے
