اسلام آباد(وجاہت حسین)ترجمان اسلام آباد پولیس کے مطابق تھانہ سمبل پولیس ٹیموں کی بڑی کاروائی کے دوران کالے جادو کی آڑ میں خاتون سے زیادتی کرنے والے دو ملزمان گرفتار کر لیے گئے ہیں متاثرہ خاتون کی درخواست پرتھانہ سمبل پولیس نے مقدمہ درج کر کے ملزمان طاہر عباس اور تصور عباس کو گرفتار کر لیا ہے
ڈی آئی جی اسلام آباد سید علی رضا کا کہنا ہے کہ ملزمان کو ٹھوس شواہد کے ساتھ چالان عدالت کر کے قرار واقعی سزا دلوائی جائے گی،خواتین اور بچے ریڈ لائن ہیں، زیادتی یا تشدد میں ملوث ملزمان قانون کی گرفت سے نہیں بچ سکتے
اسلام آباد کے تھانہ سنبل میں خاتون نے مقدمہ درج کراتے ہوئے پولیس کو بتایا گھریلو حالات سے تنگ تھی جس پرطاہر عباس سے ملاقات ہوئی جس نے تعویز دئیے اور کہا کہ زنا کے بغیر یہ تعویز کام نہیں کرینگے پہلے ملزم طاہر عباس نے زیادتی کا نشانہ بنایا اسکے بعد ملزم تصور عباس نے اپنی ہوس کا نشانہ بنایا ملزمان نے کسی کو بتانے کی صورت میں نقصانات کی دھمکیاں دیں۔تھانہ سنبل پولیس نے ملزمان کے خلاف قانونی کارروائی شروع کردی ہے
