گڈو (خالد حسین) وزیراعلیٰ سندھ سید مراد علی شاہ نے کہا کہ ہم اس وقت گڈو بیراج پر ہائی فلڈ کی سچوئیشن سے گذر رہے ہیں
ان خیالات کا اظہار وزیراعلیٰ سندھ سید مراد علی شاہ نے گڈو بیراج کے دورے پر میڈیا سے گفتگو کرتے ہوئے کیا
کراچی کی صورتحال پر تبادلہ خیال کرتے ہوئے وزیر اعلیٰ سندھ کا کہنا تھا کہ کراچی کو کوئی بھی وفاق کے حوالے نہیں کرسکتا
ملک بھر میں حالیہ مون سون کی بارشوں کے باعث دریائے سندھ گڈو بیراج کے مقام پر پانی کی سطح میں مسلسل اضافے کا سلسلہ جاری ہے
گڈو بیراج پر سیلابی صورتحال جانچنے کے لیے وزیر اعلیٰ سندھ سید مراد علی شاہ نے بیراج کا دورہ کیا
ایریگیشن کے سیکریٹری نے وزیراعلیٰ سندھ سید مراد علی شاہ کو سیلابی صورتحال پر بریفنگ دی
بریفنگ کے بعد میڈیا سے بات کرتے ہوئے وزیراعلیٰ سندھ سید مراد علی شاہ نے کہا کہ ہم اس وقت گڈو بیراج پر ہائی فلڈ کی سیچوئیشن سے گذر رہے ہیں
اس وقت گڈو بیراج سے 5 لاکھ 14ہزار کیوسک پانی گذر رہا ہے جس میں دو دن کے بعد کمی آئے گی
گڈو بیراج پر تمام انتظامات کئے گئے ہیں ایک دو جگہ اشوز سامنے آئے جہاں محکمہ ایریگیشن کام کررہا ہے
امید ہے کہ ہم خیریت سے اس سیلابی ریلے سے گذر جائیں گے
انہوں نے مزید کہا کہ سندھ بھر میں اس بار ریکارڈ بارشیں ہوئی ہیں جس کے باعث لاکھوں لوگ متاثر ہوئے ہیں ہم متاثرین میں کھانا اور ٹینٹ فراہم کررہے ہیں
کراچی کی ابھرتی ہوئی صورتحال پر ان کا کہنا تھا کہ کراچی کو کوئی بھی وفاق کے حوالے نہیں کرسکتا
اس موقع پر ایکسائز منسٹر مکیش کمار چاولہ، ایم این اے احسان الرحمن مزاری، ایم پی اے حاجی عبدالرؤف کھوسو و دیگر پی پی پی کے پارٹی کے ضلعی رہنما ان کے ہمراہ تھے
