دمشق (10دسمبر 2024 – اے پی پی) شام نے اسرائیل سے اپنی فوجیں واپس بلانے کا مطالبہ کر دیا ۔ یہ بات اقوام متحدہ میں شام کے ایلچی قصی الضحاک نے کہی۔ روسی خبر رساں ادارے تاس کے مطابق انہوں نے کہا ہےکہ اسرائیل کو شام سے اپنی فوجیں واپس بلانی چاہئیں۔انہوں نے کہا کہ ہمیں شام کے خلاف اسرائیلی جارحیت کو ختم کرنے کی ضرورت ہے اور اسرائیلی افواج جنہوں نے ہمارے علاقوں پر حملہ کیا ملک چھوڑ دیں۔
انہوں نے کہا کہ اسرائیل کو اقوام متحدہ کی سلامتی کونسل کی قراردادوں اور افواج کی علیحدگی کے 1974 کے معاہدے کی پاسداری کرنی چاہیے۔ معاہدے کے مطابق گولان کی پہاڑیوں کے بفر زون میں صرف اقوام متحدہ کی افواج کو تعینات کیا جا سکتا ہے۔
