فخر زمان کی نصف سنچری اور مصدق احمد کی دھواں دھار بیٹنگ نے میدان مار لیا
ایونٹ میں پانچویں کامیابی نے خیبرپختونخوا کی سیمی فائنل میں رسائی کے امکانات روشن کردئیے ہیں
جبکہ ایونٹ کے7 میں سے6 میچز ہارنے کے بعد سدرن پنجاب کے لیے فائنل فور میں جگہ بنانا مزید مشکل ہوگیا ہے
راولپنڈی کرکٹ اسٹیڈیم میں کھیلے گئے میچ میں 206 رنز کے تعاقب میں سدرن پنجاب کی پوری ٹیم 132 رنز بنا کر آٹ ہوگئی
آلراونڈر محمد عمران 48 رنز بناکر سب سے نمایاں رہے
انہوں نے 28 گیندوں پر 6 چوکے اور2 چھکے لگائے
سیکنڈ الیون میں عمدہ کارکردگی کی بدولت فرسٹ الیون اسکواڈ میں جگہ بنانے والے زین عباس 34 رنز بناکر آٹ ہوئے
خیبرپختونخوا کے پانچ کھلاڑی ڈبل فگرز میں بھی نہ پہنچ سکے
خیبرپختونخوا کے جنید خان نے 2، جبکہ شاہین شاہ آفریدی، ارشد اقبال،مصدق احمد، شعیب ملک اور وہاب ریاض نے ایک ایک وکٹ حاصل کی
اس سے قبل سدرن پنجاب کے کپتان شان مسعود نے ٹاس جیت کر پہلے فیلڈنگ کا فیصلہ کیا
تو خیبرپختونخوا کے اوپنر فخر زمان نے 34 گیندوں پر 11 چوکوں اور 2 چھکوں کی مدد سے 68 رنز بنائے
کپتان محمد رضوان کے 12 رنز پر پویلین واپس لوٹنے پر بائیں ہاتھ کے اوپنر نے محمد حفیظ کے ہمراہ 71 رنز کی شراکت قائم کی
محمد حفیظ 17 رنزبناکر آٹ ہوئے
اننگز کے اختتامی اوورز میں مصدق احمد نے 9 گیندوں پر 3 چوکوں اور 3 چھکوں کی مدد سے ناٹ آوٹ 33 رنز کی برق رفتار اننگز کھیل کر ٹیم کا مجموعہ 200 کے پار پہنچانے میں مدد کی
انہوں نے شعیب ملک کے ہمراہ پانچویں وکٹ کے لیے 43 رنز کی ناقابل شکست شراکت قائم کی
شعیب ملک بھی 33 رنز بناکر ناٹ آوٹ رہے
سدرن پنجاب کے عامر یامین اور محمد الیاس نے 2،2 وکٹیں حاصل کیں
مین آف دی میچ کا ایوارڈ جیتنے والے فخر زمان کاکہنا ہے کہ پنڈی کرکٹ اسٹیڈیم کی پچ بیٹسمین کے ساتھ ساتھ بالرز دونوں کے لیے سازگار ہے
جو شعبہ بھی محنت کرتا ہے اسے اس پچ سے مدد ملنا شروع ہوجاتی ہے
انہوں نے کہا کہ خیبرپختونخوا نے آج کے میچ میں بہترین فیلڈنگ کا مظاہرہ کیا
امید ہے کہ ایونٹ کے بقیہ میچوں میں یہ تسلسل برقرار رہے گا
