مجلس وحدت مسلمین کا پورا ہفتہ ربیع الاول منانے کا اعلان

sample-ad

مجلس وحدت مسلمین نے بارہ ربیع الاول تا سترہ ربیع الاول ہفتہ وحدت و اخوت منانے کا اعلان کیا ہے

ایم ڈبلیو ایم کے ترجمان علامہ مقصود ڈومکی کے مطابق بارہ ربیع الاول کو ملک کے مختلف شہروں میں نعت خواں گروپوں کے استقبال کے لیے میلاد النبی کے جلوسوں کے راستوں میں مجلس وحدت مسلمین استقبالیہ کیمپ لگائے گی

ضلعی و صوبائی دفاتر پر چراغاں کیا جائے گا اور پانی و لنگر کی سبیلوں کا بھی اہتمام کیا جائے گا

علامہ مقصود ڈومکی نے کہا، “نبی کریم حضرت محمد صلی اللہ علیہ وآلہ وسلم سے مودت و محبت کا تقاضہ ہے

ختمی مرتبت کے یوم ولادت کے موقع پر خوشی کا اظہار کر کے امت مسلمہ کو عطا ہونے والی سب سے بڑی نعمت کا شکر ادا کیا جائے

شادمانی کے اس موقع پر شیعہ سنی اتحاد و اخوت کا عملی مظاہرہ کریں گے

تاکہ مذہبی منافرت پھیلانے والے دشمنوں کو اپنے ناپاک منصوبوں کی ناکامی کھل کر نظر آ سکے

فرانس میں جس گستاخانہ فعل کا ارتکاب کیا گیا ہے اس کی جتنی بھی مذمت کی جائے کم ہے

مسلمانوں کی اہانت کرنے والی استکباری طاقتوں کو جواب دینے کے لیے بارہ ربیع الاول کو ہر شخص گھر سے باہر نکلے

میلاد کے جلوس میں شریک ہو کر رحمت اللعالمین، حضرت محمد صلی اللہ علیہ وآلہ وسلم سے محبت کا عملی ثبوت پیش کرے

دنیا بھر میں میلاد النبی کے بھرپور اجتماع رسالت کے دشمنوں کی موت ثابت ہوں گے

خوشی کے اس موقع پر امت مسلمہ کی جانب سے ساری دنیا کو یہ پیغام جانا چاہیے

کہ حضور اکرم صلی اللہ علیہ وآلہ وسلم کی ذات مقدسہ ہمیں اپنی جان، مال اور اولاد سے بڑھ کر عزیز ہے

زندہ قومیں اپنے محسنوں کو کبھی فراموش نہیں کرتیں اور نبی کریم صلی اللہ علیہ وآلہ وسلم کی ذات اقدس پوری انسانیت کی محسن ہے

شیعہ سنی اپنے نبی صلی اللہ علیہ وآلہ وسلم کا یوم ولادت بھرپور مذہبی جوش و جذبے سے منائیں گے

Facebook Comments

POST A COMMENT.