اسلام آباد، (اکتوبر 2025,14)پاکستان، ترکی اور آذربائیجان کے پارلیمانی اسپیکرز کی تین ملکی کانفرنس آج شروع ہو گئی۔ اس اجلاس کی صدارت قومی اسمبلی کے اسپیکر سردار ایاز صادق کر رہے ہیں۔
کانفرنس کا مقصد تینوں ممالک کے درمیان پارلیمانی تعاون، علاقائی استحکام اور اقتصادی روابط کو فروغ دینا ہے۔
افتتاحی اجلاس میں اسپیکرز نے کہا کہ باہمی تعاون ہی خطے میں ترقی اور امن کی ضمانت ہے۔
اس موقع پر “اسلام آباد اعلامیہ” کی منظوری متوقع ہے، جو مستقبل میں پارلیمانی سطح پر مزید اشتراکِ عمل کی بنیاد رکھے گا۔
کانفرنس میں تینوں ممالک کے اعلیٰ سطحی وفود، سفارتی نمائندے اور میڈیا کے افراد شریک ہیں۔
