لاہور (7اکتوبر،2025) ہائی کورٹ نے جماعت اسلامی کی درخواست پر پنجاب میں بلدیاتی انتخابات نہ کرانے کے معاملے پر ایڈووکیٹ جنرل پنجاب اور چیف سیکریٹری کو طلب کر لیا ہے۔ جسٹس فاروق حیدر نے سماعت کی اور وفاقی حکومت کو بھی اس معاملے میں اپنا کردار ادا کرنے کی تاکید کی۔
*عدالت کا حکم
عدالت نے سماعت 14 اکتوبر تک ملتوی کرتے ہوئے ایڈووکیٹ جنرل پنجاب اور چیف سیکریٹری کی ذاتی طور پر حاضری کا حکم دیا ہے۔ الیکشن کمیشن آف پاکستان کے وکیل نے عدالت کو بتایا کہ دیگر صوبوں میں بلدیاتی انتخابات ہو چکے ہیں، جب کہ پنجاب میں حد بندی کا عمل 3 بار مکمل کیا جا چکا ہے۔
*درخواست گزار کا مؤقف
درخواست گزار نے مؤقف اختیار کیا ہے کہ بلدیاتی انتخابات میں تاخیر صوبے میں مقامی ترقی اور احتساب کے عمل کو متاثر کر رہی ہے۔ انہوں نے عدالت سے استدعا کی ہے کہ وہ متعلقہ حکام کو فوری طور پر انتخابات کرانے کے احکامات دے اور تاخیر کے ذمہ دار عہدیداروں کے خلاف کارروائی کرے۔
*وفاقی حکومت کی آمادگی
وفاقی حکومت کے ایک لا افسر نے عدالت کو بتایا ہے کہ وفاق صوبائی حکومت کی ہر ممکن مدد کے لیے تیار ہے۔ دیکھنا یہ ہے کہ پنجاب حکومت اس معاملے پر کیا کردار ادا کرتی ہے 
.
0
