بدھ کے روز پاکستان اور افغانستان نے سرحد پار ہونے والی خونریز جھڑپوں کے بعد، جو ایک بڑے تنازع میں بدلنے کا خدشہ رکھتی تھیں، عارضی جنگ بندی پر اتفاق کر لیا۔ پاکستان کے دفترِ خارجہ کے مطابق یہ جنگ بندی طالبان کی درخواست اور باہمی رضامندی سے 15 اکتوبر کی شام 6 بجے سے نافذ ہوئی، جو 48 گھنٹوں تک جاری رہے گی۔ یہ فیصلہ دونوں ممالک کے درمیان مسلسل جھڑپوں کے بعد سامنے آیا۔وفاقی کابینہ کے اجلاس سے خطاب کرتے ہوئے وزیراعظم نے بتایا کہ افغان حکام نے باضابطہ طور پر جنگ بندی کی درخواست کی تھی۔ انہوں نے کہا، “گزشتہ روز 48 گھنٹوں کی عارضی جنگ بندی کا فیصلہ کیا گیا ہے، اور یہ پیغام دیا گیا ہے کہ اگر افغانستان مذاکرات کے ذریعے ہماری جائز شرائط پوری کرنا چاہے تو ہم تیار ہیں۔ اب فیصلہ اُن کے ہاتھ میں ہے۔”
0
